Nisaka ang gidaghanon sa mga nangamatay ug naangol tungod sa pagbuto sa usa ka pabrika sa Ryazan, Russia, diin niabot na sa ihap nga 20 ang namatay, samtang 134 ang mga naangol.
Sa naasoy sa gobernador sa Ryazan nga si Pavel Malkov, nga ang insidente nagsugod sa usa ka sunog sa workshop sa pasilidad.
Hinuon, wala pa matino kung unsa ang hinungdan sa sunog o unsa ang gihimo sa pabrika. Apan, adunay mga taho nga mahimo’g nagsugod ang pagbuto sa pabrika, apan wala kini gikumpirmar sa mga opisyal.
Sa pagkakaron, 31 sa mga naangol ang nagpabilin sa tambalanan samtang 103 ang nagpaayo ug nakatanggong sa outpatient.
Ingon man nga makita sa video gikan sa Russian Emergencies Ministry ang gidak-on sa kadaot, uban sa mga bombero ug mga search dog nga nangita sa nahugno nga bahin sa bilding.
Nunot niini, naghatag usab og suporta ang mga psychologist sa mga apektadong residente sa pagbuto.
Samtang sa pagkakaron, padayun pa nga gisuta ug giimbestigahan ang hinungdan sa insidente.
