Gisugyot ni Batangas Rep. Leandro Legarda Leviste nga pakunhuran ang gisugyot nga P250-bilyon nga pondo alang sa mga flood control projects sa 2026 ug ibalhin ang labing menos P200 bilyon ngadto sa edukasyon ug pagpakunhod sa budget deficit.
Matod sa kongresista nga mas maayong unahon ang pagpalig-on sa edukasyon ug pakunhuran ang fiscal deficit ngadto sa 3% sa dili pa hisgutan ang pagtibhang sa buhis.
Nasugamak na usab ang mga proyekto sa pagpugong sa baha human sa lapad nga pagbaha tungod sa Bagyong Carina ug sa habagat, bisan pa sa kapin 5,500 ka mga proyekto nga gipasigarbo ni Presidente Ferdinand Marcos Jr. sa iyang ikaupat nga SONA.
Gipasiugda sa Presidente ang mga alegasyon sa korapsyon ug sayop nga paggamit sa pundo ug gimandoan ang DPWH sa pagsumiter sa listahan sa mga proyekto alang sa hingpit nga pagsusi.
Samtang, si Budget Secretary Amenah Pangandaman nagkanayon nga abli ang DBM sa gisugyot nga realignment ug kini nagdepende sa desisyon sa Kongreso. Matod niya subay kini sa tema sa 2026 national budget nga maghatag og mas dakong gahin alang sa edukasyon.
