Nangandam na ang Olympic pole vaulter nga si EJ Obiena alang sa umaabot niyang mga torneyo.
Human maka-recover sa injury sa buko-buko, gikatakda siyang mosalmot sa World Athletics Championships nga ipahigayon sa Tokyo, Japan.
Ang qualifying round sa Tokyo kay sa umaabot Septiyembre 13, samtang ang finals sa Septiyembre 15.
Si Obiena nakadaog og silver medal human sa paghawan sa 6.00 metros sa 2023 World Athletics sa Budapest.
Human niini, mobalik si Obiena sa nasod alang sa Ayala World Pole Vault Challenge nga ipahigayon sa Ayala Triangle Gardens sa Makati City karong Septiyembre 20 hangtod 21.
Ang maong torneyo sa Makati City gitugutan sa World Athletics.
Samtang ang 29-anyos nga Olympic pole vaulter wala na makasalmot sa bisan unsang torneyo sukad pa niadtong buwan sa Hulyo.
