Ukraine, gitinguha nga makakuha og labing menos $1 bilyon kada bulan aron sa pagpalit og U.S. weapons – Zelenskiy

Gipaambit ni Ukrainian President Volodymyr Zelenskiy nga ang Kyiv nagtinguha nga makakuha og labing menos $1 bilyon matag bulan gikan sa mga kaalyado.

Kini aron mapalit ang mga hinagiban sa US alang sa paningkamot sa gubat batok sa Russia pinaagi sa bag-ong programa sa ‘Priority Ukraine Requirements List’ sa NATO.

Gihimo niya ang komento sa usa ka hiniusa nga briefing sa Kyiv kauban si Norwegian Prime Minister Jonas Gahr Store.

Gidugang usab niini nga ang Norway makatampo sa mga garantiya sa seguridad alang sa Ukraine kung bahin sa air defense ug maritime security.