Dili magduha-duha og pirma si Senate President Chiz Escudero sa warrant of arrest kon gani dili gihapon mopatim-aw sa sunod nga pagdungog sa senate blue ribbon committee ang mga gipatawag nga kontraktor sa flood control projects.
Matod ni Escudero, gilauman nga sulod ning semanaha mapadala na ang mga subpoena nga giluwatan sa Senado batok kanila ngadto sa mga tag-iya sa napulo ka kompanya.
Gipaabot usab sa Senate Blue Ribbon Committee nga mopahigayon sa ilang ikaduhang pagdungog sa mga kwestyonable ug anomaliya nga mga proyekto sa flood control karong Setyembre 1.
Gihimug-atan sa Presidente sa Senado nga ang maong mga kontraktor kinahanglan nga mopatim-aw aron mopasabot sa ilang habig sa mga ghost ug substandard nga mga proyekto.
Matod niya nga kinahanglang imbestigahan ang mga pasangil ug silotan ang nagpaluyo sa mga ghost project.
