PROVINCE OF CEBU- Nagpahigayon og joint inspection ang mga nagkadaiyang buhatan sa gobyerno batok sa kontrobersyal nga The Stria Project sa Santa Fe sa isla sa Bantayan.
Kini maoy gipamahayag ni Cebu Provincial Governor Pamela “Pam” Baricuatro atol sa gipahigayong press conference niini sa Cebu Capitol kagahapong adlawa sa Miyerkules, Agosto 27, 2025.
Ang maong mga ahensya nga mupahigayon sa joint inspection kay mao ang Department of Environment and Natural Resources (DENR), Department of Interior and Local Government (DILG), ug Cebu Provincial Environment and Natural Resources Office (PENRO) sa makalilisang nga 11-ka andana nga luxury resort project nga diay nakalapas sa balaud ug permiso niini.
Gani sa nakalabayng mga semana kay naluwatan na kini og suspension order sa pagpahunong sa konstruksyon apan nagmagahi gihapon ang management sa resort.
Gihatagan sab og direktiba sa gobernadora ang lokal nga panggamhanang aron makigkoordinar sa Environmental Management Bureau para sa validation niini.
