Mohatag og 300 ka mga reusable water tumblers si Cebu City Mayor Nestor Archival Sr. ngadto sa mga sakop sa kapulisan sa Police Regional Office – Central Visayas (PRO-7).
Kini ang gipahibalo ni Mayor Archival atol sa nahimong press conference niini kagahapong adlawa sa Lunes, Septiyembre 1, diin mitambong kini siya sa flag raising ceremony sa Camp Sergio Osmeña isip pasidungog dinapit sa PRO-7 nga gisugat ni Regional Director Redrico Maranan.
Sa maong pahibalo sa mayor, gisaysay niini nga sulod karong semanahuna kay i-deliver niini ang mga tumblers sa kapulisan sa rehiyon.
Gipasabot niini nga ang paggamit sa tumbler kay mas maayo para sa kinaiyahan kun itandi sa mga plastic bottles isip kabahin sa iyang adbokasiya sa pagpanalipod sa kalikupan.
