2 ka ‘human skulls’ sa Taal Lake, laing narekober sa PCG – DOJ

Gipaambit sa Department of Justice nga ang Philippine Coast Guard nakarekober og duha (2) ka bag-ong ‘human skulls’ gikan sa Taal Lake area.

Matod ni DOJ Assistant Secretary Mico Clavano, narekober sa PCG ang bag-ong ‘human remains’ gikan sa linaw. Apan matod niya, ipaubos pa kini sila sa makuti nga eksaminasyon ug DNA testing.

Tumong niini nga masayran kung ang mga narekober nga nagpabilin nga motakdo sa usa sa mga nawala nga sabungero.

Kung ang mga sample sa DNA motakdo sa ilang mga paryente, mahimo kining gamiton nga ebidensya sa kaso subay sa mga nagpabiling nahanaw nga mga sabungero.

Nunot sa iyang gipaambit nga nagpadayon pa ang ‘search and retrieval operations’ sa Taal Lake kalabot sa ‘missing sabungero case’.