Trump, plano nga magbutang og mga National Guard sa Memphis

Gipahibalo ni US President Donald Trump nga iyang ipakatap ang National Guard sa Memphis, Tennessee.

Ang maong lakang kabahin sa iyang padayon nga pagsumpo sa mga kriminal sa mga siyudad nga gipangulohan sa Democrats.

Gipaambit usab ni Trump nga ang mayor ug gobernador sa Memphis kay nalipay sa maong desisyon.

Hilabi na nga giisip sa FBI ang Memphis nga adunay labing taas nga rate sa krimen sa US, nga adunay 2,501 nga krimen matag 100,000 ka tawo.

Ingon man nga nagplano usab si Trump nga ipadala ang National Guard sa New Orleans ug Chicago.