Opisyal nang gi-commission sa Philippine Navy ang BRP Diego Silang (FFG-07), ang pinakabag-o ug pinaka-abante nga guided-missile frigate sa nasod,
Ang seremonyas sa pag-abot sa barko gipahigayon karong adlawa (Sept. 16) sa Naval Operating Base sa Subic, Zambales.
Gipangunahan ni Armed Forces of the Philippines (AFP) Chief of Staff General Romeo Brawner Jr. ang seremonyas nga giubanan ni Philippine Navy Flag Officer in Command Vice Admiral Jose Ma. Ambrosio Ezpeleta.
Si Kapitan John Percie Alcos maoy magsilbing commanding officer sa bag-ong barkong iggugubat sa Pilipinas.
Gipasiugda usab ni Gen. Brawner nga ang bag-ong barko maoy simbolo sa tinguha sa Pilipinas nga panalipdan ang tanang kabtangan niini ug ipatigbabaw ang soberanya niini, bisan unsa pa ang mga hagit nga giatubang niini.
Nagpakita usab kini sa kaandam sa Pilipinas sa pagpanalipod sa interes ug kaayohan sa katawhan sa nasud.
Alang sa Philippine Navy, ang pag-abot sa BRP Diego Silang nagpakita sa padayon nga pagpalig-on ug modernisasyon sa kasundalohan, ilabi na sa mga naval assets niini.
