Pipila ka mga nasud sa EU, plano nga magbutang og drone wall batok sa Russia

Plano karon sa European Union nga magtukod og usa ka “drone wall” sa ilang mga utlanan sa Russia ug Ukraine.

Gitumong niini nga mapugngan dayon ang bisan unsang mga paglapas sa airspace.

Kini nunot sa pagsulod sa mga drone sa Russia sa kahanginan sa Poland kaniadtong Setyembre 10.

Kahinumduman, sa milabay nga mga adlaw, gisirado sa Denmark ang daghang mga tugpahanan tungod sa presensya sa mga drone duol sa tugpahanan.

Ingon man nga gibasol nila ang insidente sa mga drone gikan sa Russia.