Gibutyag sa Malacañang nga dili gayud gusto ni Presidente Ferdinand Marcos Jr. si Baguio City Mayor Benjamin Magalong nga moluwat isip special adviser sa Independent Commission for Infrastructure (ICI).
Matud ni press officer sa Palasyo nga si Claire Castro nga gi-review sa presidente ang appointment ni Magalong sa ICI.
Dugang ni Castro nga ang direktiba dili ang pagtangtang kang Magalong kondili ang pagsulbad sa isyu sa iyang pagka mayor ug sa iyang pagpanarbaho sa ICI.
Ingon man nga gusto gihapon sa Presidente nga magsilbi nga special adviser ug investigator sa ICI si Magalong tungod kay wala mo-resign si Magalong isip mayor, ug magsilbi nalang siya isip special adviser.
Gusto usab sa Presidente nga masiguro nga walay kalapasan sa pagtudlo kang Magalong sanglit nagsilbi man kini nga mayor.
