Mikab-ot og bag-ong kalampusan ang Pinay tennis star nga si Alex Eala human misaka ang iyang career-high no. 54 sa pinakabag-ong WTA rankings.
Gilabwan na niya iyang nakalabayng ranggo sa no. 56.
Ang 20-anyos nga pinay kay nakahipos sa buwan sa Septiyembre sa malampusong pagsalmot sa mga torneyo sa WTA gikan sa Mexico, Brazil, ug China.
Human sa iyang makasaysayanong pagduwa sa US Open, si Eala mibyahe dayon sa Mexico para sa Guadalajara 125 Open diin nalangkat niya ang iyang pinakaunang major trophy.
Misalmot sab siya sa Sao Paulo Open apan kutob ra kini sa quarterfinals ingon man sa iya sab nga semis ug quarterfinals exits sa Jingshan Tennis Open ug Suzhou WTA 125 sa China.
Bisan pa niini, si Eala mihimo gihapon og pagsaka sa iyang ranggo aron mahimong world’s no. 54 nga magdudula nga adunay 1123 puntos sa women’s tennis.
