MANDAUE CITY,CEBU- Giapod-apod na sa lokal nga kagamhanan sa Dakbayan sa Mandaue ang mga libreng tambal alang sa mga residente sa nagkadaiyang barangay.
Matud pa ni Mandaue City Mayor Jonas Cortes Ouano, mokabat sa ₱11 milyon ang kantidad sa mga medisina nga ilang gipanghatag ngadto sa 27 ka barangay pinaagi sa ilang mga health centers.
Gidugang sa Mayor nga duna pa silay ikatulong hugna sa pag-apod-apod sa mga tambal, nga lakip na ang anti-rabies vaccines, nga gikatakdang ipanghatag sa umaabot.
Aron masayran sa publiko ang listahan sa mga tambal nga anaa sa health centers, gipost kini sa opisyal nga social media accounts sa lungsod.
Pinaagi niini, mahibalo ang mga residente unsay ilang makuha nga libre nga medisina.
Sa kinatibuk-an, ₱25 milyon ang kantidad sa mga tambal nga gipamalit sa lokal nga kagamhanan alang sa tanang Mandauehanon.
