Pormal nang nanumpa karong adlawa si kanhi Department of Justice (DOJ) Secretary Jesus Crispin “Boying” Remulla isip ikapitong Ombudsman sa nasod.
Personal nga nangulo sa maong oath-taking ceremony si Supreme Court Senior Associate Justice Marvic Leonen nga gipahigayon sa Korte Suprema sa lungsod sa Maynila.
Ang pagtudlo ni Ombudsman Remulla sa labing taas nga posisyon sa Office of the Ombudsman gikatakda human siya mapili ni Presidente Ferdinand “Bongbong” Marcos Jr. gikan sa shortlist nga giandam sa Judicial and Bar Council (JBC), ang iyang paglingkod puli sa nagretiro nga si Samuel Martires.
Gipaabot ni Ombudsman Remulla nga usa sa iyang prayoridad mao ang pag-imbestiga sa mga nagapangunang isyu nga gikaatubang sa Department of Public Works and Highways (DPWH), ilabi na ang mga anomalosong infrastructure projects sa nasod.
Gipasabot usab niya ang isyu kalabot sa iyang giingong statement of approval sa ‘bending the law’ nga gikuhaan og komento atol sa imbestigasyon sa Senate Blue Ribbon Committee kabahin sa flood control projects.
Matud pa ni Remulla, iyang barugan ang maong pahayag bisan sa atubangan sa Senado, human kini ipamugos ni Senador Erwin Tulfo atol sa pag-imbestiga.
Sa kasamtangan, andam ang bag-ong tanod-bayan sa pagtuman sa iyang tahas isip tigbantay sa kaangayan ug katin-awan sa tanang sangay sa gobyerno.
