Nipagawas ug tsunami warning ang Indonesia’s Meteorology, Climatology and Geophysics Agency (BMKG) human sa kusog nga linog nga may magnitude 7.6 nga miigo sa baybayon sa Melonguane, North Sulawesi mga alas 8:43 sa buntag (oras sa Jakarta) Biyernes, Oktubre 10, 2025.
Matod sa BMKG, ang epicenter sa linog anaa sa gilawmon nga 56 kilometros, ug nipagawas dayon sila og tsunami warning alang sa North Sulawesi ug kasikbit nga bahin sa Papua.
Namatikdan sa ahensya nga ang inisyal nga kasayuran gibase sa paspas nga datos ug mahimo’g mabag-o samtang gihimo ang labi ka lawom nga pagsusi.
Gitambagan sa gobyerno ang mga residente sa mga lugar sa baybayon nga alerto ug sundon ang mga opisyal nga advisory gikan sa mga awtoridad samtang gibantayan ang posible nga pagbag-o sa lebel sa dagat ug mga aftershocks.
Sama sa Pilipinas, ang Indonesia nahimutang usab sa Pacific Ring of Fire, diin kanunay mahitabo ang mga linog ug pagbuto sa bulkan tungod sa pagbangga sa mga tectonic plate.
