Gipangulohan ni Karl Anthony-Towns ang New York Knicks aron magpabiling limpyo ang ilang preseason record ug iposte ang ikaduhang kadaugan batok sa Minnesota Timberwolves, 110-95.
Mipupo ang big-man og 10 puntos ug 11 ka rebounds batok sa iyang kanhi team. Niamot sab og 15 puntos ang beteranong guwardiya nga si Mikal Bridges.
Nangulo usab si Julius Randle sa opensa sa Timberwolves pinaagi sa iyang 16 puntos ug 5 ka rebounds samtang ang shooter nga si Anthony Edwards niamot og 17 puntos.
Nag-overtime ang duha ka teams human nagtabla ang ilang mga puntos sa 90 human sa sa 4th quarter.
Pagsulod sa overtime, nakauna dayon ang Knicks ug sulod sa singko minutos, nakaposte sila og diyes puntos inabagan sa ilang bench players nga sila si Miles McBride ug Jordan Clarkson.
Wala na makaapas ang Wolves ug nakapuntos lang og singko puntos sa lima ka minuto nga OT.
