Gikabutyag ni Stella M. Ferrarez nga makonsiderar nga normal ang mga reaksyon sa matag indibidwal susama sa pagka-panic, pag-syagit, hilak-hilak, dili katarung og tulog, ingun man ang walay gana nga mokaon, ilabi na kadtong mga indibidwal nga nakabati sa pagtay-og sa mga linog sa mga nilabayng adlaw.
Sa pakighinabi sa Bombo Radyo Cebu team kang Stella M. Ferrarez usa ka Registered Psychometrician ug mental health consultant, iyahang giklaro nga ang maong mga reaksyon nga nahisgutan makonsiderar ngta “normal reaction” sa usa ka “abnormal situation” sama sa linog.
Gitataw usab niini nga kung ang usa ka indidbidwal nga nakasinati niini, mas maayo nga mahatagan og psychological first aid, aron mas paspas ang ilahang recovery ug mas dali nila nga masabtan nga normal ra ang nahimong pagpanic isip reaksyon sa maong susamang sitwasyon.
Apan, giklaro usab niini nga kung ang usa ka tao nakasinati gihapon og mga og panic attacks kapin duha ka adlaw human nahitabo, makonsiderar na kini nga ang maong tao, na diagnosed na og acute stress disorder.
