Gipang-apud-apod ang mga pito o whistles sa mga residente sa Barangay Hipodromo diin gipangulohan sa Cebu City Fire Station 7 agi’g pagpangandam sa mga kalamidad.
Sa gipaambit ni SFO 3 Wendell Villanueva, ang tigpamaba sa Cebu City Fire Office nga napanglantawan sa mga kadagkoan sa kabomberohan nga dako og ikatabang ang pito ngadto sa mga indibidwal sa matag higayon nga adunay motumaw nga katalagman.
Dugang niini nga tukma usab kini sa panahon hilabi na nga padayon gihapon nakasinati og pagtay-og sa yuta nunot sa kusog nga 6.9 magtinude nga linog niadtong Setyembre 30 diin ang centro anaa sa Bogo City, Cebu.
Gihimug-atan usab sa opisyal nga pinaagi sa pagpito kay dali kini nga ma-trace sa mga sakop sa rescuers.
Hilabi na nga sa panahon sa mga katalagman kay mawala ang signal hinungdan nga lisod sila nga ma-contact, busa ang pito ang mamahimong senyales nga adunay nangayo og tabang.
Ingon man nga gihimu-atan niini nga ang maong gilusad nila nga programa kay dili lang alang sa mga emerhensiya apan lakip usab sa seguridad sa matag Pilipino. | via Bombo Rocky Lavarez
