Mihangyo sa Independent Commission for Infrastructure (ICI) si kanhi House Speaker ug Leyte 1st District Representative Ferdinand Martin Romualdez sa pag-postpone sa pagdungog kaniya nga oeihinal nga gikatakdang sa Oktubre 22 tungod sa daw “medical procedure” nga iyang agian.
Kini ang gikumpirmar sa ICI subay sa advisory ng gipagawas niini human nga naka-schedule sa pagpatambal si Romualdez sa wala pa matino nga sakit o kakulian sa lawas.
Dugang pa sa ICI nga magpagawas kini og pahibalo sa publiko kung aduna nay dugang detalye kabahin niini.
Ang investigatory panel kay gimugna sa ig-agaw ni Romualdez nga si Presidente Ferdinand “Bongbong” Marcos Jr. aron sa pag-imbestigar sa kurapsyon maylabot na sa proyektong pang-imprastruktura partikular sa flood control projects.
Kahinumduman nga si Romualdez kay misumiter sa iyang gipanumpaang affidavit niadtong Oktubre 14 sa pagpasabot sa posibleng kalambigitan niya sa maong iskandalo sa kurapsyon.
Una ang gihimakak niini nga iyang kalabigitan sa maong alegasyon ug ingon man ang iyang pasalig sa “full cooperation” ngadto sa komisyon.
