Gibuak sa kanhi House Speaker Martin Romualdez ang iyang kahilom aron kusganong ipanghimakak ang mga pasangil nga siya ang utok sa usa ka dakong corruption scheme, samtang gitugotan usab nga ipahibalo sa publiko ang iyang gipanumpaang pahayag.
Sumala sa kanhi lider sa House, gipili niya nga magpakahilom sa sinugdanan isip pagtahod sa proseso sa balaod ug aron malikayan nga madugangan ang kasaba sa isyu, apan karon kini giabusohan.
Giinsistir sa kanhi Speaker nga gikan sa pagsugod sa kontrobersiya, hingpit kini nga nakigtinabangay, nakig-atubang sa mga awtoridad, ug wala miikyas o nagtago. Ingon man nga boluntaryo kining misumiter og affidavit sa ICI ug naghatag sa gikinahanglan nga mga dokumento.
Aron pamatud-an ang iyang transparency, gimando niya ang dayon nga pagpagawas sa publiko sa iyang affidavit aron ang mga tawo mismo ang makahukom kung kinsa ang nagsulti sa tinuod ug kinsa ang nahimong biktima sa politika.
Gitawag usab ni Romualdez ang akusasyon nga siya ang utok sa korapsyon, labi na kung bahin sa pondo sa publiko, nga labing kataw-anan.
Giklaro niya ang proseso sa paghimo og badyet, diin ang sugyot naggikan sa departamento sa Ehekutibo isip National Expenditure Program sa dili pa kini isumite sa Kongreso.
Dugang pa sa magbabalaod nga ang Kamara gilangkoban sa gatusan ka mga miyembro ug adunay 85 ka mga komite, nga naghimo niini nga imposible alang sa usa ka Speaker nga makontrol ang matag komite o magdikta sa ubang mga sanga sa gobyerno.
