Nakaangkon og samad-pinusilan ang usa ka negosyante sa lechon Manok human nagpauwan og bala ang duha ka mga armadong sakay sa motorsiklo gabii, sa New Public Market, Brgy.Poblacion War I sa Minglanilla.
Napadayon pa nagpaalim sa tambalanan ang biktima diin naigo kini sa iyang liog.
Basi sa inisyal nga imbestigasyon sa kapulisan, nakita sa mga saksi ang duha ka mga lalaki nga sakay sa motorsiklo nga nag-atang duol sa stall sa lechon manok sa biktima sa merkado sa wala pa ang pagpamusil.
Pag-abot sa biktima ug nilingkod sa gawas sa iyang tindahan, niduol ang mga suspek sakay sa ilang motorsiklo ug human sa paghimo og krimen, dali kining misibat paingon sa dakbayan sa Talisay.
Nilusad na og manhunt operation ang Minglanilla Police Station batok sa duha ka mga suspek.
