Bag-ong prisohan para sa mga makonbikto sa kurapsyon, nakaandam na – DILG

Nakaandam na ang bag-ong pasilidad o prisohan sa mga posibleng makonbiko sa kurapsyon sumala pa sa Department og Interior and Local Government.

Gibanabana ni DILG Secretary Jonvic Remulla nga moabot sa 200 ka mga tawo ang mahimong kasuhan sa kurapsyon sa flood control scandal sa mosunod nga tulo ka semana.

Kalabot niini, sa usa ka press conference niadtong Lunes, Oktubre 20, diin ang kalihim niingon nga 100% nang andam ang New Quezon City Jail sa Payatas sa higayon nga didto mapriso ang mga akusado.

Hinuon giklaro sa kalihim nga ang Sandiganbayan ang adunay hurisdiksyon kon asa mapriso ang mga akusado.

Niadtong adlawa, personal nga gisusi sa kalihim ang nahisgutang pasilidad sa BJMP nga makaakomodar og mokabat sa 800 ka mga piniriso.