Makatilaw na og tabang pinansyal gikan sa Dakbayan sa Sugbo ang 7,780 ka mga senior citizen sugod karong Oktubre 25, 2025.
Matod pa ni Cebu City Mayor Nestor Archival, mao kini ang mga kwalipikado nga mga senior citizen sukad pa sa tuig 2013, diin sobra pa sa usa ka dekada ang gihuwat alang sa maong ayuda.
Subay niini, ang matag kwalipikadong senior citizen adunay katungod nga makadawat og P12,000 nga tabang pinansyal matag tuig, ug kini ubos sa Ordinance No. 2453.
Apan, tungod sa hagit nga naagian lakip na sa niaging administrasyon, adunay liboan ka mga senior citizen ang wala diha-diha makadawat sa maong hinabang.
Kahinomdoman nga karon lang buwana, gi-aprobahan sa konseho ang Supplemental Budget 2 alang sa tuig 2025 nga mokantidad og P81,395,000.00, ubos sa General Fund diin nitagana kini sa P40,845,000.00 ka mga senior citizens.
Sa maong pagpahibal ni Archival, nagpaabot kini sa iyang pasalamat nga gipangulohan ni Vice Mayor Tomas Osmeña, Office of the City Treasurer ug Office of the Senior Citizens.
