Walay nasalbar bisan usa ka gamit ang mga medical students gikan sa South India human sa sunog nga mihurot sa ilang gipuy-an sa Pelayo Compound, Sitio Nasipit, Barangay Talamban, Cebu City karong adlawa, Oktubre 25, 2025.
Ang kalayo nga nagsugod pasado alas 2:22 sa kaadlawon, mihurot sa ilang mga personal nga gamit, dokumento, uniporme, ug apil na ang mga kwarta alang sa tuition nga gipadala pa sa ilang mga ginikanan gikan sa India.
Karon, ang mga estudyante nga sila Basanth Korrapati, Borugadda Rajakishore, Borugadda Sruthi, ug uban pa, nanginahanglan og hinabang, gikan sa pagkaon, sinina, ug temporaryong kapuy-an, samtang naghulat og tabang gikan sa ilang eskwelahan ug sa lokal nga awtoridad.
Samtang nangita pa og paagi ang mga biktima aron makabangon, naglaum sila nga adunay makahatag og tabang aron makapadayon sila sa ilang pag-eskwela ug pagpangandam sa kaugmaon.
Sa pakighinabi sa Bombo Newsteam kang Basanth Korrapat, usa sa mga nabiktima sa miulbong sunog nga wala na silay nadali nga gamit gumikan puro na mga shagit ang ilang nadungog.
Apan, bisan paman niana kay mapasalamaton gihapon sila nga luwas ra sila.
