Nadakpan na ang suspitsado sa pagpangawat ug P120,000 sa usa ka balay, niadtong adlawng Huwebes, Octubre 23, 2025 sa Barangay Tubod, lungsod sa Minglanilla.
Giila ang suspek giila nga si Jessie James Jumao-as, 24 anyos, usa ka construction worker gikan sa lungsod sa Consolacion, kinsa adunay live-in partner ug usa ka anak.
Gikataho nga ang suspitado dili lumulupyo sa nahisgutang lugar apan residente kini sa lungsod sa Consolacion ug igo lang kini nagtrabaho isip usa ka construction worker.
Matud ni Police Lt.Col. Maria Theresa Macatangay ang Hepe sa Minglanilla Police Station, nga ang suspitsado misulod ug milungkab sa usa ka panimalay sa Barangay Tubod, Miglanilla ug mikawat sa balur nga P120,000 nga kwarta.
Dugang pa ni Macatangay, nga ang motibo sa pagpangawat sa suspitsado sa maong panimalay mao ang pagka-lulong sa bisyo, partikular na sa pagsugal ug pagpayuhot og illegal nga drugas.
Pasakaan usab ug kasong “robbery with force upon things” ang maong suspitsado, samtang mipahimangno usab si Macatangay sa mga residente nga kanunayng i-secure ang mga panimalay ug siguraduhon nga ang mga kabtangan nahipos ug dili usab basta-basta magpost sa social media sa mga importanteng kabtangan.
Sa pikas bahin, andam na usab ang mga sakop sa Minglanilla Police Station sa umaabot nga adlaw sa minatay sa pagpatuman sa ilang deployment plan, diin magpakatap kini ug dili mo ubos sa 50 ka mga sakop sa kapulisan alang sa pagsiguro sa siguridad sa nagkadaiyang sam-ang sa Minglanilla.
