Gipaubos ang Dakbayan sa Sugbo sa Blue Alert Status sa Cebu City Disaster Risk Reduction and Management Council, epektibo alas 2:30 sa hapon sa gahapon, Sabado, Nobyembre 1, 2025, subay sa direktiba ni Mayor Nestor Archival.
Ang maong direktiba ni Mayor Archival nunot kini sa pagpanangandam sa siyudad alang sa posibleng epekto sa tropical depression “Tino”, diin gipahibalo kini sa information office sa Siyudad sa Sugbo sa susamang adlaw.
Matod pa sa State Weather Bureau PAG-ASA nga ang tropical depression nga gimonitor nga anaa pa sa gawas sa Philippine area of Responsibility (PAR), gilauman nga mosulod karong adlawa, ug hatagan sa domestic nga pangalan nga “Tino.”
Samtang sumala usab sa Resident Meteorologist sa CCDRRMO nga si Ret. PAGASA Visayas Director Oscar Tabada, ang “Tino” gilauman nga mo-landfall duol sa Tabogon, Cebu nga adunay pinakakusog nga hangin nga 146 kph mga alas 1:26 sa hapon sa Martes, Nobyembre 4.
Gidugangan usab sa City Information Office nga ang tanang response clusters, division ug section heads, volunteer units, ug barangay-based disaster teams, gimandoan na nga mopahigayon og readiness checks, reposition sa emergency equipment, ug mosumiter og situational reports.
