Sayong gisuspenso ang mga klase sa pipila ka probinsya sa Visayas ug usa ka syudad sa Mindanao karong adlaw sa Lunes, Nobyembre 3 isip pagpangandam sa epekto sa Severe Tropical Storm “Tino” nga maoy ika-20 nga bagyo nga misuldo sa Pilipinas.
Sumala sa ulahing report sa Philippine Information Agency, pipila ka bahin na sa rehiyon ang nagpasuspenso sa klase hangtod sa adlawng Miyerkules, Nobyembre 5 subay sa forecasted track sa bagyo sa mga umaabot nga adlaw.
Masutang unang mulandfall ang bagyo sa Easter Samar o sa Dinagat Island karong Lunes sa gabii o sayo sa adlawng Martes.
Ang mga probinsya nga nagpatuman o suspensyon sa klase mao ang Bohol, Sugbo, Biliran, Eastern Samar, Northern Samar, Leyte, Southern Leyte, Negros Occidental, Aklan, Antique, Capiz, Roxas, Iloilo, ug Butuan City sa Caraga sa managlahing detalye sa adlaw og lokalidad sa suspensyon.
