Pipila la mga lokalidad sa Visayas region ang padayong gideklarar ang suspension sa klase ingon man sa pagpatuman sab sa trabaho sa pampublikong sector karong Martes, Nobyembre 4 tungod sa epekto sa Bagyong Tino.
Ang mga probinsyang nagpatuman niini mao kinatibuk-ang upat ka rehiyon sa Kabisay-an nga mao ang Eastern Visayas (Region 8), Central Visayas (Region 7), Negros Island Region (NIR), ug Western Visayas (Region 6).
Gani pipila sa mga probinsya sa maong mga rehiyon ang nakasinati na sa Tropical Cyclone Wind Signal No. 4 subay sa pinakaulahing Tropical Cyclone Bulletin nga gipagawas sa Philippine Atmospheric Geophysical and Astronomical Services Administration (PAGASA)
Sumala sa PAGASA nga ang Bagyong Tino kay mihimo na sa iyang inisyal nga pag-landfall sa Silago, Southern Leyte niadtong alas 12 sa kadlawn diin padayong masinati ang near peak intensity niini.
Gilauman sab ang bagyo nga magmentinar sa iyang gikusgon ug sa iyang typhoon category atol sa iyang pag-agi sa nasud pagawas sa West PH Sea sa mga umaabot nga adlaw.
