CEBU CITY- Gilunsad karon sa Dakbayan sa Sugbo ang usa ka Real-time Road Accessibility Map, aron masiguro ang mas-luwas ug mas episyente nga pagbiyahe taliwala sa nagpadayon nga mga operasyon sa pagtubag ug paghawan, sa mga kadalanan nga labihang na apektohan sa Bagyong Tino niadtong Nobyembre 4.
Ang Road Accessibility Map, usa ka live platform nga naghatag og real-time nga mga update sa kondisyon ingun man sitwasyon sa dalan, ug mga ruta nga ma-access human nga naapektuhan sa bagyo.
Inisyatiba kini gikan sa Department of Engineering and Public Works (DPWH),diin maglangtad kini og credible nga kasayuran aron ma-navigate ang publiko sa labing luwas nga dalan, ilabi na sa mga lugar nga limitado ang pag-access sa dalan tungod sa mga nahulog nga mga debris, natumbang mga kahoy, o bisan sa mga nagpadayon nga pag-ayo sa kadalanan.
Subay niini, gahapong adlawa sa alas 11:00 sa buntag, ang Road Accessibility Map nagpakita sa latest validated data gikan sa Cebu City Disaster Risk Reduction and Management Office (CCDRRMO), mga nagkdaiyang yunit sa barangay, ug mga partner response agencies.
Gitataw usab nga ang updates niini padayon nga gihimo, nunot sa pagdawat ug ingun man pagkumpirma sa mga report.
Ubos sa maong kaayohan, nagpahimangno ang gobyerno sa Dakbayan nga magpabiling mabinantayon ang mga residente, magpabiling mo sunod sa mga official advisories, ug labi na nga himuong prayoridad ang kaluwasan kung mobyahe sa labing apektadong lugar.
