Nangandam na ang Armed Forces of the Philippines (AFP) ug ang Philippine National Police (PNP) aron suportahan ang mga relief ug rescue operations sa Luzon nga giigo sa Super Typhoon Uwan.
Gisuspenso sa AFP ang tanang Field Training Exercises ubos sa “Dagat, Langit ug Lupa (DAGIT-PA)” drills aron matutukan ang Humanitarian Assistance and Disaster Response (HADR) operations sa mga lugar nga apektado sa bagyo.
Samtang, gipamandoan ni acting PNP Chief Lt. Gen. Jose Melencio Nartatez Jr. ang tanang hepe sa kapulisan nga motabang sa mga evacuation center ug magbantay sa seguridad sa mga biktima.
Sa kinatubuk-an, kapin 25,000 ka mga pulis ug gatusan ka mga sundalo na ang gi-deploy sa tibuok nasud aron motabang sa pagluwas, pagpangandam, ug pagtabang sa mga biktima sa kalamidad.
Ang PNP Maritime Group ug mga Army HADR teams padayon karon sa koordinadong operasyon aron masiguro ang kaluwasan sa mga pasahero ug mga komunidad nga peligroso pa gihapon sa epekto sa bagyo.
