MANDAUE CITY,CEBU- NagpadayOn pa gihapon ang pag-panghatag og rasyon sa tubig sa buhatan sa City Disaster Risk Reduction and Management Office sa Dakbayan sa Mandaue.
Kini gumikan kay aduna pay pipila ka mga kabaranggayan ang wala pa nakabaton og suplay sa tubig ug kuryente pagbalik, human sa pagkuso-kuso sa Bagyong Tino, niadtong Nobyembre 4.
Gibutyag ni Buddy Ybañez, ang pangulo sa Mandaue City Disaster Risk Reduction and Management Office, nga padayun gihapon silang mohatag og rasyun sa tubig gumikan kay pipila sa mga barangay wala pa niini, dugang usab ni Ybañez, nga anaa ang kagamhanan sa Mandaue aron pag-asister, og mga sakop sa Bureau of Fire Protection, lakip na usab ang mga pribadong sector sa pagpahuwam sa ilang fire tanker trucks.
Gihimug-atan usab sa opisyal nga dili matakdo sa buhatan kung pila ka mga barangay ang wala pa nakabaton ug tubig, gumokan kay adunay mga residente nga wala gayud nakakonektar sa MCWD.
Samtang magdepende ra usab ang oras pagpanghatag og rasyun sa tubig gumikan kay adunay higayon nga ang barangay aduna nay suplay sa tubig ang matagbarangay.
Sa pikas bahin, giklaro usab ni Ybañez, nga ang 14 ka mga kaso sa nakalas nga kinabuhi sa Mandaue, dili mga residente sa dakbayan apan 13 niini ang sa dakbayan sa Sugbo ug usa niini ang sa Lungsod sa Liloan.
Samtang nakatala lang og usa ka patay ang dakbayan sa Mandaue, diin usa ka residente sa Barangay Tingub.
