US, nanawagan sa mga nasud nga hunungon ang pagsuplay og mga armas sa RSF militia sa Sudan

Nanawagan ang US sa ubang mga nasud nga hunungon ang pagsuplay og mga armas sa paramilitar nga Rapid Support Forces (RSF) sa Sudan.

Sumala ni US Secretary of State Marco Rubio, ang maong grupo ang naa sa luyo sa daghang pagpamatay sa lungsod sa el-Fasher sa Sudan.

Daghang mga sibilyan ang gilugos ug walay kaluoy nga gipatay.

Gihimo ni Rubio ang panawagan sa katapusang adlaw sa miting sa mga ministro sa langyaw sa G7 sa Canada.

Giakusahan sa kasundalohan sa Sudan ang United Arab Emirates sa pagsuplay og mga armas sa RSF, nga kusganong gihimakak sa UAE.

Sukad Abril 2023, ang RSF nakig-away na sa kasundalohan tungod sa ilang pagsulay sa pag-ilog sa gahum.