Gihulagway ni Israeli Prime Minister Benjamin Netanyahu ang pagdunggab sa usa ka piloto sa iyang kaubang piloto isip usa ka terrorist attack batok sa ilang nasud ug sa United Arab Emirates.
Gibutyag na usab ang pagkatawo sa biktima diin ang pilotong si Smit Machchhar gikan sa India.
Ingon man nga gidayeg ni Netanyahu ang piloto tungod sa iyang kaisog ug kabayanihan sa pagluwas sa 174 ka mga pasahero.
Bisan pa man nga nadunggab, nakahimo ang piloto sa pagsukol ug pag-abli sa pultahan sa cockpit aron kuhaon ang atensyon sa mga pasahero ug nihimo og emergency landing sa Saudi Arabia.
Nakig-istorya usab si Netanyahu sa mga pasahero, kinsa mipaambit sa ilang mga kasinatian ug misaysay kon giunsa nila pagtabang nga maluwas ang eroplano gikan sa pagkahagsa.
