Subling gihimakak sa Department of Education (DepEd) 7 ang impormasyon nga mikatap online kabahin sa pag-wagtang sa senior high school sa sunod tuig.
Matud ni DepEd 7 Regional Director Salustiano Jimenez nga ang mga litrato nga nagpakatap sa hungihong kay usa ka fake news.
Sa mga litrato nga mikatap nasab sa social media diin gigamit pa niini ang logo sa ahensya ug nag-ingon nga “Walay Grade 11 ug 12” sugod sa Tuig (SY) 2026–2027, apan balik-balik nausab nga gihimakak sa departamento inay ang pahinangno niini sa publiko nga dili dayon motuo gawas kung ang ilang lehitimong page ang mo-anunsyo niini.
Sa pikas bahin, giaprobahan na sa Cebu Provincial School Board (CPSB) ang P85 milyon nga supplemental budget alang sa pagtukod og Temporary Learning Shelters (TLS) sa mga eskwelahan nga nadaot sa 6.9-magnitude nga linog nga miigo sa probinsya niadtong Setyembre 30, 2025.
Unang gitaho sa DepEd Cebu Province nga anaa sa 570 ka mga classroom ang hingpit nga naguba, 1,101 ang nakaangkon og dakong kadaot ug 1,723 ang nakaangkon og gamay nga kadaot sa mga tunghaan.
Diin adunay kinatibuk-ang 269 ka TLS ang kinahanglan nga i-displaced aron ma-akomodar ang mga estudyante nga nawad-an og balay tungod sa epekto sa istruktura.
