Kanhi Prime Minister sa Bangladesh, gihukman og kamatayon tungod sa kasong crime against humanity

Gisilotan og kamatayon ang kanhi Prime Minister sa Bangladesh nga si Sheikh Hasina human napamatud-an nga sad-an sa mga kasong crime against humanity.

Usa ka special tribunal ang nakakaplag kaniya nga responsable sa pagmando sa usa ka madugoon nga pagsumpo sa mga lihok-protesta.

Gibanabana sa United Nations nga moabot sa 1,400 ka mga nagprotesta ang namatay sa pagpamusil gikan sa mga pulis.

Apan gitawag ni Hasina ang desisyon sa korte nga “bias ug may motibo sa politika.”

Sukad sa iyang pagkatangtang sa gahum, si Hasina ni-exile sa India.

Gilauman nga mapugos ang India sa pag-extradite kang Hasina human sa pagpahibalo sa hukom.