“Dili masulbad, matod pa sa ekonomista nga si Prof. Emmanuel Leyco, sa pag-ilis lang og Executive Secretary ug Budget Secretary ang anomaliya sa flood control projects ug ang isyu sa korapsyon sa nasod.
Gi-insister niya nga ang problema nagsumikad sa sistema mismo sa gobyerno nga nagtugot sa ghost projects ug sa sayop nga paggamit sa pondo.
Makahatag og impresyon sa reporma ang pag-ilis og mga opisyal apan dili kini makasulbad sa gamot sa kurapsyon.
Migawas ang mga alegasyon sa iregularidad sa flood control projects sa DPWH diin bilyon-bilyong piso nga pondo ang giingong nausik.
Hugot usab nga gipanghimakak sa ubang mga magbabalaod ang pagkalambigit sa mga anomaliya. Dungan niini, gatusan ka libo nga mga lungsoranon nagpundok sa Quirino Grandstand ubos sa INC aron ipanawagan ang transparency ug akontabilidad (pananagutan).
Alang kang Leyco, ang tinuod nga solusyon mao ang sistematikong reporma, mas hugot nga auditing, ug mas lig-on nga institusyon aron maseguro nga ang pondo sa katawhan mapunta sa saktong proyekto.
