Nanawagan na usab si Davao City 1st District Rep. Paolo “Pulong” Duterte alang sa mandatory hair follicle drug testing sa tanang opisyal sa gobyerno.
Kini human sa pamahayag ni Sen. Imee Marcos sa INC rally bahin sa giingong adik sa ilegal nga droga si Presidente Ferdinand “Bongbong” Marcos Jr.
Miingon siya nga kon tinuod ang gisulti ni Sen. Imee, angayan ang katawhang Pilipino og katin-awan ug dili pasangil.
Gipasiugda ni Cong. Polong nga dugay na siyang nanawagan alang sa drug testing isip usa ka sukod alang sa transparency ug integridad sa gobyerno, ug gipangutana ang mga opisyal nga nanghimakak niini kon unsa ang ilang gitagoan ug kinsa ang ilang gipanalipdan.
Dugang niya nga ang tanang opisyal kinahanglan nga moagi sa drug testing, nga walay mga exception o espesyal nga pagtratar, aron mapadayon ang pamunoan nga walay droga ug mapanalipdan ang kaugmaon sa nasud ug sa mga kabatan-onan.
