Natala sa Ethiopia ang pinakauna nga kumpirmadong outbreak nga Marburg virus disease (MVD), hinungdan nga gitabangan kini sa World Health Organization (WHO) tungod kay taas ang risgo ani sa national level.
Una niini, niadtong Nobyembre 12, 2025, ang World Health Organization (WHO) mitaho sa Ethiopian Ministry of Health sa pagpahibalo sa usa ka gidudahang viral hemorrhagic fever sa Jinka, South Ethiopia.
Kung diin, gikumpirma sa Ethiopian Ministry of Health kaniadtong Nobyembre 14 nga kini nga mga kaso mao ang sakit nga Marburg virus (MVD) pagkahuman sa pagtuki sa National Reference Laboratory.
Hangtod sa Nobyembre 20, unom ka mga kaso ang nakumpirma gikan sa 33 nga mga pagsulay, lakip ang tulo nga namatay, samtang tulo ang padayon nga gitambalan.
Dugang pa, nga adunay tulo nga gidudahang kaso nga may kalabotan sa epidemiologically, apan wala madaygaos gumikan kay sila patay na.
Adunay kinatibuk-an nga 206 nga mga kontak ang nahibal-an ug karon gibantayan, apan ang gigikanan sa impeksyon wala pa mahibal-an.
