Gihangop sa Dakbayan sa Mandaue ang nakuhang pinansyal pundo nga nagkantidad og 1.5 Billion pesos, alang sa dugang bed capacity sa Mandaue District Hospital.
Sa maong hisgutanan, naasoy ni Mandaue City Mayor Jonkie Ouano nga atol sa iyang pagbisita sa senado, nihangyo kini siya aron nga matukod na ang modern Mandaue City Hospital, diin kaniadto wala pa nicommit og kantidad ang mga senators, apan sa kasamtangan ug basi sa impormasyon, nakacommit na sila, ug kini subay sa na bana-bana nga budget niini nga P800 hangtud P1 billion, lakip na niini ang ekipo alang sa 257 bed capacity.
Dugang ni Ouano nga buot kini sugdan ang maong hospital sa 1st quarter sunod tuig, apan giklaro niini nga dili isirado ang existing hospital samtang nagpadayon ang pagtrabaho sa bag-ong tambalanan, gawas nalamang kung kini hingpit na nga operational.
Nipasalig usab ang Mayor sa mga Mandauehanon nga dili gayud isira ang existing hospital sa maong dakbayan.
Subay niini, si Congresswoman Emmarie “Lolypop” Ouano-Dizon, nidonar og P387 million alang sa Phase 1, samtang si Senator Christopher “Bong” Go nidonar og P250 million alang sa Phase 2, Senator Vicente “Tito” Sotto III, nihatag og P300 million alang sa Phase 3, ug si Senator Manuel “Lito” Lapid nitunol usab og P65 million alang sa Phase 4, kini alang sa pagtukod sa Mandaue City Hospital.
Busa, mapasalamaton si Ouano kay dili na mabug-atan ang maong dakbyaan kabahin na sa mga financial nga hisgutanan.
Sa pikas bahin, alang usab sa New Mandaue City College Campus, nipledge usab si Congresswoman Emmarie “Lolypop” Ouano-Dizon og P215 million alang sa phase 1 sa Mandaue City College Campus, samtang si Senator Raffy Tulfo, nidonar og P200 million alang sa Phase 2, ug si Senator Manuel “Lito” Lapid nihatag usab og P75 million alang sa Phase 5.
