Gisubli sa buhatan sa Department of Health sa hingpit nga pagdili sa Vape sa nasud, ingon man ang pagpatuman og plain packaging sa tobacco.
Kini ang gipaambit ni DOH Sec. Ted Herbosa gumikan sa grabeng risgo nga dala niini sa panglawas sa tawo.
Diin gipunting usab niini ngadto sa mga kabatan-onan nga kasagaran nga mogamit sa maong produkto, lakip usab ang mga empleyado gikan sa mga pampubliko, pribado ug uban pang organisasyon.
Gihimug-atan sa Kalihim nga bakak usab ang mikatap nga impormasyon nga mas healty ang Vape kon itandi sa mga sigarilyo nga mapalit sa mga tindahan.
Nasayran nga ang lakang sa pagdili subay sa kabalaka sa datos nga ubos sa 18-anyos ang mga nigamit og Vape ug uban pa niini kay naka-uniform pa og secondary level o mga high school student.
