50 ka estudyante nakaikyas gikan sa mga kidnapper sa Nigeria

Nakaikyas ang anaa sa 50 ka mga estudyante nga unang gidagit gikan sa usa ka Katolikong eskwelahan sa amihanang Nigeria.

Sumala sa Christian Association of Nigeria (CAN), nakalingkawas sila ug nabalik na sa ilang mga pamilya.

Adunay 253 ka mga bata lakip ang 250 ka mga estudyante gikan sa eskwelahan ug tulo ka mga bata ug 12 ka mga magtutudlo nga nagpabilin sa kustodiya sa mga armadong suspek.

Kahinumduman nga niadtong Biyernes, ang mga armadong suspek midagit sa mga estudyante gikan sa St. Mary’s Private Catholic school sa north-central Niger State.

Nanawagan usab si Pope Leo sa mga kidnapper nga buhian ang ilang mga gipang-kidnap nga estudyante.