Nagpadayon ang pagkusog sa Tropical Depression Verbena samtang nagsingabot sa Caraga Region.
Matod sa PAGASA, ang sentro sa bagyo gibana-banang anaa sa 205 kilometro silangan-habagatan-sidlakan sa Surigao City, Surigao del Norte.
Kini adunay gikusgon nga hangin nga moabot sa 45 kilometros matag oras duol sa sentro ug paghaguros nga anaa sa 55 kilometros matag oras.
Naglihok kini pa-kasadpan sa gikusgon nga 15 kilometros matag oras.
Aduna kini kusog nga hangin nga moabot sa 200 kilometros gikan sa sentro sa bagyo.
Ang Tropical Cyclone Wind Signal (TCWS) No. 1 nakaapekto na sa mga bahin sa Luzon, Visayas, ug Mindanao.
Sa Luzon, naglakip kini sa Occidental Mindoro, Oriental Mindoro, Romblon, amihanang Palawan lakip ang Calamian, Cuyo, ug Cagayancillo Islands, ug mainland Masbate.
Sa Visayas, apektado ang Antique, Aklan, Capiz, Iloilo, Guimaras, Negros Occidental, Negros Oriental, Siquijor, Cebu, Bohol, Samar, Eastern Samar, Biliran, Leyte, kag Southern Leyte.
Sa Mindanao, apil ang Dinagat Islands, Surigao del Norte, amihanang bahin sa Surigao del Sur, Agusan del Norte, amihanang bahin sa Agusan del Sur, Camiguin, ug silangang bahin sa Misamis Oriental.
