Naglawig karong mga taknaa ang Tropical Depression Verbena sa tungang bahin sa Kabisay-an partikular sa Negros Island Region subay sa ulahing monitoring sa DOST-PAGASA karong Martes sa buntag, Nobyembre 25.
Giisa gihapon ang Tropical Cyclone Wind Signal No. 1 sa mga probinsya sa Sugbo, Bohol, Negros Occidental, Negros Oriental, Siquijor, Samar, Eastern Samar, Biliran, Leyte, Southern Leyte, Aklan, Antique, Capiz, Guimaras, Iloilo, Dinagat Islands, Surigao del Norte, Surigao del Sur, Camiguin, Agusan del Norte, Agusan del Sur, pipila ka bahin sa Bukidnon, Misamis Oriental, Misamis Occidental, ug amihanang bahin sa Zamboanga del Norte.
Igo pud sa Storm Signal ang mga bahin sa Southern Tagalog ug Mimaropa sama sa amihanang bahin sa Palawan, Occidental Mindoro, Oriental Mindoro, Romblon, Masbate, ug Cuyo Islands.
Sa mga mahisgutang lugar, matalang ang yellow-to-orange rainfall warning nga posibleng makapahinabo og flashfloods o landslides sa mga dapit.
Gilauman nga makabiya sa teritoryo sa Pilipinas ang bagyo sa adlawng Huwebes, Nobyembre 27 apan sa dili pa kay mas mukusog pa kini diin hingpit nga mahimong Tropical Storm category sa paglabay sa West Philippine Sea.
