Nagmatngon na ang mga Sugbuanon, ingun man nagpabiling nagmabinantayon, hinungdan nga ninduit ang resulta tungod kay walay natala ang Cebu City Disaster Risk Reduction and Management Office (CCDRRMO) bisan paman nga adunay dalang uwan ang TD Verbena.
Mao kini ang gipaambit ni Cebu City Councilor Dave Tumulak, Chairman Committee sa CCDRRMO, gani nanghinaot siya nga mao kini ang pirme mahitabo nga walay kadaot nga matala sa matag kalamidad nga motumaw.
Kini gumikan usab sa paningkamot sa mga personnel nga gipakatap, barangay workers ug uban pa, hinungdan nga hangtud karong adlawa, 0 casualties ang taho.
Hinungdan nga mapasalamaton si Tumulak sa mga responders, barangay officials ug workers, ilabi na sa mga katawhan nga nagmatngon na gayud ug mas gitaag bili ang makanunayog pag-amping.
Sa pikas bahin, gikabutyag ni Joel Erestain ang Regional Director Office of the Civil Defesense 7 (OCD) nga minus ang daotang epekto sa TD Verbena kumpara sa Bagyong Tino.
Kini gumikan sa mga pagpangandam sa mga personahe, nagkadaiyang Local Government Units (LGU), Provincial Disaster Risk Reduction and Management Office (PDRRMO), Cebu City Disaster Risk Reduction and Management Office (CCDRRMO), ug uban.
