Nagtapok ang nagkadaiyang pundok ug organisasyon sa Colon Street sa Dakbayan sa Sugbo karong adlawa, Nobyembre 30, 2025, dili lang aron saulogon ang ika-162 nga anibersaryo sa adlawng natawhan ni Andres Bonifacio, kondili aron usab ipadayag ang ilang kusganong pagsupak batok sa kurapsyon.
Ang makasaysayanong Colon Street, nga giila isip labing karaan nga dalan sa Pilipinas, nahimong sentro sa “mass protest” diin gituki ug gipakita sa mga nagprotesta ang ilang kasuko sa giingong pagkaylap sa kurapsyon sa gobyerno.
Gihimo ang maong kalihukan dungan sa pagsaulog sa Bonifacio Day, usa ka nasudnong adlaw’ng selebrasyon nga naghandom sa kaisog ug pagpangulo ni Andres Bonifacio, ang Amahan sa Katipunan.
Gipanawagan sa mga nagtapok ang mas transparent ug matinud-anon nga serbisyo gikan sa mga opisyales sa kagamhanan, uban sa pagpasiugda sa mithi sa kaisog ug kamatinud-anon nga gipakita ni Bonifacio.
Sa pakighinabi sa Bombo Newsteam kang Greg Perez, Chairman sa PISTON Cebu nga ang ilang pagsalmot sa kalihokan aron ipakita ang ilang pakighiusa sa panawagan sa kurapsyon, hilabi na nga dinagko ang nahimong kinawatay sa gobyerno sa kwarta sa katawhan busa kinahanglan nga adunay manubag sa isyu.
