Gikumpirmar sa Philippine Consulate General sa Hong Kong ang usa ka Overseas Filipino worker (OFW) ang nalakip sa mga namatay sa sunog sa Tai Po district.
Nipadayag usab sila sa ilang kinasing-kasing nga pahasubo hilabi na sa pamilya sa naasoy nga Pinay.
Nasayran usab nga nakatala og 79 ka mga Pilipino ang luwas human sa insidente, samtang usa ang nasamdan ug padayon pa nga gi-verify ang kahimtang 12 nga indibidwal.
Samtang, si Department of Migrant Workers Secretary Hans Leo Cacdac mibisita sa pamilya sa biktima, kinsang naka-survive ang iyang 10-anyos nga anak nga lalaki.
Gisiguro usab sa buhatan nga bisan wala na ang inahan sa bata kay mipasalig kini nga agakan sa iyang pag-eskwela hangtud nga mahuman kini.
Ingon man nga sa dihang gipangutana kung unsa ang iyang gusto nga mahimong inigdako, gitubag niini nga ‘Bombero kay aron daw walay mamatay sa sunog.
Sa pagkakaron, ang consulate general miingon nga ang mga operasyon sa yuta nagpadayon aron masiguro ang kaayohan ug matabangan ang mga OFW nga naapektuhan sa trahedya.
