DOH, nakatala og 5k nga bag-ong kaso sa HIV sa Pilipinas

Nakatala ang Department of Health (DOH) og 5,000 ka bag-ong kaso sa Human Immunodeficiency Virus (HIV) sa nasud gikan Hulyo hangtod Setyembre.

Kini ang gipahibalo ni Health Secretary Teodoro Herbosa, nga ang nasud nag-atubang og usa ka outbreak sa HIV.

Gipasiugda sa kalihim nga traynta porsyento sa mga bag-ong kaso ang ubos sa edad nga 18, busa makaalarma kini tungod kay tibuok kinabuhi ang pagtambal niini.

Nagpasidaan si Herbosa nga kung magpadayon ang pagsaka, mahimo kini nga moabot hangtod sa 400,000.

Subay sa World AIDS Day, ang DOH subling nanawagan alang sa daghang mga batan-on nga moagi sa HIV screening ug giawhag ang gobyerno nga hatagan og dugang nga pagtagad ang nagkadaghan nga mga kaso.