Hingpit na nga gilusad sa Bureau of Fire Protection-Central Visayas ang launching sa “Bombero Siete sa Pasko Ready” sa kampanya nga “Oplan Iwas Paputok” pinaagi sa ilang gipahigayung motorcade sa mga nagkadaiyang decorated Fire Trucks.
Gilangkoban ang kompetisyon sa mga nagkadaiyang participating municipalities sa mga sakop sa ka-bomberohan, nga nagtumong sa pagpahimangno sa publiko nga likayan ang mga lakang nga makapasugod sa Sunog.
Matud ni FC-Supt. Fred Trajeras, nga ang motorcade sa mga nagkadaiyang fire trucks sa 10 ka mga munsipalidad, nagsilbing simbolo sa ilang hugot nga kampanya batok sa mga posibleng mo tumaw nga Sunog sa mga nagkadaiyang komunidad.
Gihimug-atan niin ang ka-seryuso sa kampanya sa Bureau of Fire Protection-Central Visayas, nga nagtumong sa malinawn og organisadong pagselibrar sa panahon sa Pasko og pagsaulog sa Bag-ong tuig.
Samtang, nanghinaot usab si Cebu City Mayor Nestor Archival, nga magpadayon ang gipasiugdang programa sa BFP-7 sa pagpahigayon og susamang kampanya batok sa motumaw nga mga Sunog.
Sa pikas bahin, nakab-ot usab sa Dakbayan sa Lapu-Lapu Fire Station ang kadaugan sa gipahigayong Fire Truck Decorating Contest, diin gibida niini ang mga dayan-dayan nga inspirasyon sa mga tourists spots sa maong dakbayan.
