Nagkasaka ang ihap sa mga namatay tungod sa kaylap nga pagbaha ug pagdahili sa yuta sa pipila ka bahin sa Asya, lakip ang Sri Lanka ug
Indonesia, diin niabot kini sa kapin sa 1,160.
Ang kusog nga ulan gipahinabo sa managlahing sistema sa panahon nga miigo sa Sri Lanka, Sumatra, Indonesia, habagatang Thailand, ug
amihanang Malaysia, nga nadungan sa panahon sa ting-ulan.
Samtang sa Indonesia, gibanabana nga 593 ka mga tawo ang namatay ug 470 ang nawala nagpabiling missing./
Nagpadala usab ang gobyerno og tulo ka warships ug duha ka hospital ships, apan daghang mga dalan sa mga apektadong lugar ang dili pa
maagian.
Samtang, sa Sri Lanka, 390 ka mga tawo ang natala nga patay ug 352 ang nawala. Sa samang higayon, ang Presidente sa Sri Lanka nga si Anura Kumara Dissanayake nagdeklarar og state of emergency.
Samtang, sa Thailand, 176 ka mga tawo ang natala usab nga patay tungod sa dili maayo nga panahon, samtang sa Malaysia, duha ka tawo ang gitaho nga namatay tungod sa dili maayo nga panahon.
